MSSI Rejista 76.094 Benefesaria Bolsa de Mae iha 2024

DILI, www.news-viptv.com – Ministeriu Solidariedade Sosiál no Inkluzaun (MSSI) ba programa bolsa de mae tinan 2024 rejista ona benefisaria hamutuk iha 76.094.

“Ami MSSI mós ao mesmo tempo fó sai katak família bolsa da mãe kondisionál sira ida ne’ebé mak ilizivel ba programa ida ne’e ba tinan 2024 ho totál benefisiáriu inklui alin oan estudante sira hamutuk ema 76.094,” informa Ministra Veronica ba jornalista sira iha konferensia imprensa, Kuarta (16/11/2023), iha Edifisiu MSSI Kaikoli, Dili.

Hosi benefesaria refere, total orsamentu ne’ebe MSSI hasai maka dolares amerikanu 4.565.640,00.

Nia mos esplika katak, MSSI simu ona karta hosi Banco Nacional Comércio Timor-Leste (BNTCL) iha 14 Novembru 2023 ne’ebé notifika katak pagamentu ba bolsa da mãe kondisionál no pagamentu pensaun sosiál ba faze daruak ba idozu no invalidus ninian daudaun ne’e Institutu Nasionál Seguransa Sosiál (INSS) hahú halo pagamentu husi kedas postu administrativu sei ba to’o suku no tuir data ne’ebé BNCTL fó sai mak hahú husi 15 Novembru to’o 20 Dezembru 2023.

Aleinde ne’e mós iha pagamentu ida ne’e halo mós ba idozu no invalidez sira tuir kalendáriu ne’ebé define husi BNCTL.

Ordem pagamentu pensaun sosiál ba Velhice no Invalidez ba Faze II 2023, haktuir ba Konstituisaun Repúblika Demokrátika Timor-Leste iha artigu 56, katak sidadaun hotu-hotu iha direitu ba seguransa no asisténsia sosiál liu husi programa Pensaun Sosiál ba Idozus no Invalidez ho objetivu atu garante subsisténsia sidadaun nian ne’ebé sira nia kapasidade ba servisu menus ka laiha.

Pagamentu Pensaun Sosiál ba faze daruak fulan Jullu-Dezembru 2023, ne’ebé halo iha teritóriu Timor laran tomak liu husi Banku sira hanesan: BNCTL, Mandiri, BRI no BNU. Ho nune’e totál benefisiáriu Idozus no Inavlidus ne’e sei simu sira ninia pensaun husi BNCTL hamutuk ema 98.824 ho totál orsamentu US$ 34,202,274.00, husi Banku Mandiri benfisiáriu 51 ho totál orasamentu US$ 18,504.00, BRI benfisiáriu 184 ho orsamentu totál US$ 67,779.00, enkuantu iha BNU sei halo pagamentu ba benefisáriu 127 ho montante orsamentu US$ 35,853.00.