MJDAK fo Posse ba Membru KNDJ

DILI, www.news-viptv.com – Ministru Juventude, Desportu, Arte no Kultura (MJDAK), Nelyo Isaac Saramento fo posse ba membru Konsellu Nasionál Dezenvolvimentu Juventude (KNDJ), Kinta (30/01/2025), iha edifisiu MJDAK Lecidere, Dili.

Iha nia intervensaun, Nelyo Isaac fo parabens ba membru KNDJ ne’ebe mai husi interministerial, CNJTL, CCI-TL no ADTL ne’ebe iha mos nia reprezentante iha KNDJ hodi fo atensaun ba jovem sira no ema ho defisiénsia sira.

Nelyo Isaac esplika katak, koalia assuntu juventude laos MJDAK nian mesak, tamba ne’e iha KNDJ iha mos membru reprezentante husi ministerium sira ne’ebe iha papel mos ba juventude nian.

“Ita iha polítika nasionál no ita iha palavra asaun iha ministeriu relevante sira, no instituisaun sira ne’ebé tenki kopera oinsá atu hare Juventude sira,” dehan ministru ne’e.

Reprezenta membru KNDJ, Cesario da Silva hateten nu’udar membru sira pronto atu halao responsabilidade ne’ebe fo ona  ba sira.

“Hanesan membru ba Konsellu Nasionál Dezenvolvimentu ba Juventude, dahuluk ami hakarak hato’o ami nia agradese no deklara hotu hodi simu responsabilidade ida ne’e hodi la’o hamutuk ho Sua-selensia hodi hala’o knaar sira tuir kompetensia ne’ebé difini iha rejimentu konsellu nasionál dezenvolvimentu,” dehan Cesario hodi hatutan, “Ita hotu hatene katak, juventude maka futuru nasaun Timor-Leste, tamba ne’e presiza no merese, Estadu atu halo investimentu ida profunda no kontinua hodi prepara joven Timor leste nian, ida inklusivu no prosperu rezilenti no sustentavel,ida ne’e rekere asaun entidade futuru nian”.

Membru KNJD sira ne’ebe simu posse maka

1. Sarturnino Gomes B. de Caldas, Director Nacional da Controla Qualidade de Habitação e Intergridade, Ministerio Desenvolvimento Rural e Habitação Comunitária (MDRHC).
2. Apolinario Serpa Rosa, Director Geral, Ministerio da Educação (ME)
3. Simplicio Amaral de Deus, DG Serviço Nacional de Ambulancia, Ministerio da Saúde (MS)
4. Eng Celestino da Cunha Barreto, Director Geral dos Servicos Coorporativos, Ministerio Agricultura Pescas Pecuaria e Floresta (MAPPF)
5. Rosinha Maria das Dores Conceição, Director Nacional Administração Financas, Ministerio da Justiça (MJ)
6. Gil Paulino D. Oliveira, Director Geral (SEAC), Ministerio Juventude, Desporto, Arte e Cultura (MJDAC)
7. Armando da Costa, Director Geral, Secretário de Estado da Igualidade (SEI)
8. Nelson Soares Carvalho, Director Geral dos Servicos Coorporativos, Secretário de Estado da Formação Professional e Emprego (SEFOPE)
9. Olderico Lopes, Director Geral dos Servicos Coorporativos, Secretário de Estado das Cooperativas (SECOOP)
10. Deonaia Da Silva Prego, Director Nacional Disseminação de Informação, Secretário de Estado Comunicação Social (SECOMS)
11. Clotilde Teresa Soares Guterres, Vise Prezidente Conselho Nacional Juventude Timor-Leste (CNJTL)
12. Cesario da Silva, Representante de ADTL, Associação Deficiencia de Timor-Leste (ADTL)
13. Lino Sarmento, Chefe do Secretariado do Gabinete de Cooperação da Parcerias e Reformas, Ministerio Comércio E Indústria (MCI)
14. Sérgio Elidio Borges de Deus, Director Nasional, Ministerio do Ensino Superior, Ciência E Cultura (MESC)
15. Francisca Freitas Sang, Representante de CCITL, Câmara do Comércio e Indústria de Timor-Leste (CCITL)
16. Júlio Abilio de Sá, Chefe Dep. Migrasaun, Ministerio Interior (MI)
17. António Augusto Guterres, Director Geral da Desentralização do Governo Local, Ministerio Administrasaun Estatal (MAE)
18. Fransisco Xavier Fatima Soares, Diretor Geral Ambiente, Ministerio Turismo e Ambiente (MTA)