Ministeriu Saude Simu Kareta 21 hosi UNICEF no Governu Australia

DILI, www.newsviptv.com – Ministeriu Saude simu tan apoiu kareta hamutu 21 hosi Ajensia Organizasoens Nasoiens Unidas ba assuntu inan ho labarik (UNICEF) no Australian Department of Foreign and Trade (DFAT). 

Kareta sira ne’e ho marka Toyota Hilux hamutuk 16 no Truck Box Mitsubitshi 5 ho objetivu hodi mellora servisu ministeriu nian ba asssuntu saude no simu deretamente hosi Ministra Saude, Odete Maria Freitas Belo, Tersa (19/10/2021).

Kareta hirak ne’e Ministeriu Saude aloka ba Toyota Hilux 13 hodi apoiu imunizasaun no maternidade, bebe foin moris no programa saude labarik iha munisípiu 13.

Entertantu Toyota Hilux 2 seluk ba programa imunizasaun sira iha nasional no SAMES. Toyota Hilux ida tan ho kaixa ferramenta ba departamentu biomedical nivel nasional hodi apoia vasina no distribuisaun produto sira relasiona ho saude, formasaun, supervizaun no monitorizasaun.

Kareta Truk Box Mitsubitshi 5 hodi apoiu armazen servisu saude rejional no munisipal konaba distribuisaun produto farmaseutiku.

Reprezentante UNICEF, Bilal Durrani hateten provizaun infraestrutura maski iha ne’e kritiku tebes maibe ministeriu saude halo esforsu nune’e ohin loron atinji ema barak mak vasinasun Covid-19.

Ministra Saude Odete Maria Agradese tebes ba apoiu hosi Governu Autralia no UNICEF tuir tempo. nia salienta tan maske agora moras Covid-19 volume komesa tun maibe ita nafatin kumpri regra sira hodi ita bele halakon tiha moras ida ne’e hosi ita le’et.