Manan VDL 2-0, AF. Baucau Kontinua Hatudu Nia Forsa iha Segundu Divisaun

DILI, news-viptv.com –Assosiaun Futebol Baucau kontinua hatudu nia forsa iha Segunda Divisaun hafoin manan VDL 2-0, iha jogu kontinuasaun Liga Timorrense Futebol de Femenino, iha jogu ne’ebe halao Sabadu (18/9/2021), iha Kampu Futebol FFTL, Dili.

Golu Baucau nian ne’e hatama hosi Elviana Helena iha minutu 9 no Joana Barbosa iha minutu 41.

Marito da Costa Belo nudar Prezidenti AD. Baucau senti urgullu ho progressu ekipa futebol feto sira nian tamba iha jogu ne’e kontinua bele manan nia adversariu.

Treinador FC. VDL, Camilo Fatima hateten, persiza hadia performa arbitru nian tamba iha jogu ne’e, nia ekipa senti lakon ho dezisaun arbitru nian.

Kapitaun FC. VDL, Tereza de Araujo dehan lakon nebe nia ekipa hetan sei la halokon vontade jogu sira nian iha jogu tuir mai.

Ho manan ne’e, Baucau kontinua forte iha pozisaun ida ba Segunda Divisaun nian ho pontu 6.  

Baucau sei iha tan jogu 3 hasoru FC. Sao Jose, FC. Nain-Feto no FC. Maudoko