Manan Brunei ? Timor-Leste Hamutuk iha Grupu A

DILI, news-viptv.com – Sorteiu AFF Suzuki Cup 2020 ne’ebe halao ohin, loron 21 Setembru 2021, lori Timor-Leste hamutuk iha Grupu A ho Thailandia, Myanmar, Singapura ho Filipina.

Maibe, ho kriteriu ida karik Timor-Leste bele manan Brunei Darussalam iha jogu kualifikasaun.

Hare ba sorteiu ne’e, Sekretariu Jeral Federasaun Futebol de Timor-Leste, Nelio Isaac Sarmento komenta katak, Timor-Leste iha grupu ne’ebe todan wainhira hakat ba faze grupu.

Entertantu iha Grupu B maka Vietnam, Malaysia, Indonesia, Cambodia ho Laos.

Timor-Leste dadauk ne’e prepara ona nia ekipa selesaun nasional ne’ebe maioria jogador Sub-23 ne’ebe prepara hela ba jogu kualifikasaun ASIAN Cup U-23.