Home LIGA FETO Manan Academica 0-9, S’Amuser Hakbesik A’an ba Odamatan Kampiaun

Manan Academica 0-9, S’Amuser Hakbesik A’an ba Odamatan Kampiaun

November 21, 2021November 21, 2021

Kapitaun FC. S'Amuser, Dolores Verdiana (Liman los) wainhira prepara bola falta hodi suta ba nia adversariu, Academica, Domingu (21/11/2021), iha Kampu Futebol FFTL, Dili. Photo: VIPTV/Fidelio dos Santos

DILI, www.news-viptv.com – Klubu FC. S’Amuser iha kontinuasaun jogu Liga Timorense Futebol Femenino (LTFF) 2021 hetan tan vitoria no hakbesik klubu ne’e ba odamatan kampiaun hafoin manan Academica 9-0, Domingu (21/11/2021), iha Kampu Futebol FFTL, Dili.

Jogador S’Amuser nain 6 iha jogu ne’e konsege rejista sira nia naran iha lista top score maka Suzana Soares liu hosi golu ne’ebe nia hatama iha minutu 11’ no 14’, Leticia do Rego (26’), Dolores Verdiana (34’ & 61’), Cecilia Godinho (43’), Rosa da Costa (70’ & 76’) no Nilvia Marcal (73’).

Ho vitoria ne’e, S’Amuser metin nafatin iha pozisaun dahuluk klasifikasaun Primeira Divisaun ho pontu 14, rezultadu hosi jogu dala 6 (manan 4 no empata 2)

Tuir kedan FC. Buibere ho pontu 11 iha pozisaun daruak, AD. SLB (7), FC. Maranatha (5) no Academica (0).

Iha epoka 2020, FC. S’Amuser hetan deit pozisaun datoluk.

Comment