DILI, www.news-viptv.com – Ministerio dos Assuntos Kombatentes da Libertasaun Nasional (MAKLN ) sei haloot restus mortais iha Laga no Quelikai iha Tinan ne’e.
Ministru Assuntos Kombatentes da Libertasaun Nasional, Julio Sarmento “Meta-Mali” haktuir governu halo esforus hodi haloot restus mortais ne’ebe identifikadu iha area Laga, Quelikai, Same, Aileu no Metinaro.
Tinan 2019 MAKLN hetan dadus veteranus rihun 124 maibe la konsege rezolve hotu tanba afeta hosi Covid-19, nune’e MAKLN foin identifika rihun 61 ka 48 % .
Iha meet the press nebe organiza hosi SECOMs, ministru ne’e mos informa ba progressu ne’ebe nia ministeriu atinji ona durante nia mandate, inklui identifika uma lisan iha Timor-Leste ne’ebe sai mos fatin haloot ba restu mortais sira durante tempu luta ba libertasaun nasional. Alende ne’e governu mos planeia harii Monumentu kada postu iha teritorio Timor-leste hodi rekonese sira nia konstribuisaun nudar martires funu nian.
Programa seluk ne’ebe konsege implementa ona maka fo bolsu estudu ba oan martires sira no veteran nian oan sira, inklui mos fo um aba veteran sira ho valor US$ 40,000.00.
Reporter: Angelina Soares I Cameraman: Contantinho Babo