banner 1000x250

Lere Avansa ba Kandidatura, Votos OFILIN ba Deit Lu-Olo

  • Share
Prezidenti OFILIN, Jose Manuel Nakfilak deklara OFILIN nia votos ba deit Lu-Olo. Photo: VIPTV/Bendito Soares
banner 728x90

DILI, www.news-viptv.com – Organização Filiadas da FRETILIN (OFILIN) deklara organizasaun massa ne’e sei fo votos deit ba Francisco Guterres Lu-Olo tamba rekonese nia nudar kandidatura Partidu FRETILIN.

Tamba ne’e nudar organizasaun partidu nian ne’ebe kumpri no hakruk ba disiplina  organizasaun, kandidatura prezidenti republika ne’ebe OFILIN orienta on aba estrutura nasional to’o baze maka Francisco Guterres Lu-Olo, maski Tanete Jeneral Lere Anan Timur nudar FRETILIN oan ida hot ne’ebe avansa hotu ba nia kandidatura.

banner 336x280
Membru estrutura OFILIN iha konfrensia imprensa deklara sira nia votos ba Francisco Guterres Lu-Olo. Photo: VIPTV/Bendito Soares

“Ami OFILIN hare ba maun Lere ho maun Lu-Olo kamaradas hotu, mesak FRETILIN. Maibe disiplina partidu no organizasaun mak orineta ami atu lao. Ami sei la hatun ida, la hasae ida, ne’ebe lao deit disiplina organizasaun no disiplina partidu,”  deklara Prezidenti OFILIN, Jose Manuel “Nakfilak” iha konferensia imprensa ne’ebe halao Kuarta (26/01/2022) iha Salaun Luz Clarita, Dili

Tamba ne’e, Nakfilak aletra ba estrutura OFELIN  husi nasional to’o baze atu mobiliza rekursu tomak organizasaun nian hodi apoiu total ba kandidatura Dr. Francisco Guterres Lu-Olo.

“Lu-olo sei manan iha primeira ronde,” nia dehan hodi kontinua hateten, “Segunda ronde ba ami ne’e laiha ona, tamba ami hatene no hare ona mapamentu forsa sira nian, ami hare hotu ona.ne’ebe ami iha esperansa tomak, Prezidenti Lu-olo iha primeira ronde no simu pose iha 20 Maiu 2022.”

Prezidenti OFILIN, Jose Manuel Nakfila (xapeo) wainhira koalia iha konferensia imprensa. Photo: VIPTV/Bendito Soares

Iha 16 Janieiru 2022 iha Ermera, Lu-Olo atual prezidenti republika deklara tan nia re-kandidata hodi kompete iha eleisaun prezidensial 19 Marsu 2022.

Maski nudar organizasaun massa Partidu FRETILIN nian, OFILIN kontinua respeita ba kandidatura seluk tantu hosi partidu no independente.

Dadauk ne’e alende Lu-Olo ne’ebe deklara ona nia kandidatura, Jose Ramos Horta mos deklara ona nia kandidatura ne’ebe hetan apoiu hosi Partidu CNRT. Kandidatu seluk maka Mariano “Assanami” Sabino (PD), Armanda Berta (Partidu KHUNTO), Angela Feitas (Trabalhista) no kandidatu independente sira hanesan Lere Anan Timur, Virgilio da Silva Guterres, Milena Pires, Constancio Pinto, Ernes da Costa Correia.

  • Share

Leave a Reply

Your email address will not be published. Required fields are marked *

error: Content is protected !!