Laiha Investimentu, Dekanu Husu FCL Entrega ETCI ba Governu

  • Share
Dosente no Funsionariu ETCI sira halo konferensi aimprens ahodi ejiji Fundasaun Cafe Laher (FCL) entrega ETCI ba governu hodi maneja. Photo: VIP TV/Januario Soares

Gleno, www.news-viptv.com – Haree ba kondisaun no facilidade East Timor Coffee Institute (ETCI) ne´ebe kontinua laiha mudança no prior liu tan, Superior no dekanu no dosente sira iha ETCI husu Fundasaun Café Laher (FCL) ne´ebe lidera hosi Oscar Lima diak liu entrega ETCI ba governu hodi lidera.

Ejijensia ne´e hato´o liu hosi Francisco Soares de Jesus nudar porta voz ba asaun refere ne´ebe representa lian Dekanu Fakuldade 3, Diretores, Xefe Departamentu, Dosente no Funsionariu ETCI iha konferensia imprensa ne´ebe kontinua husu fasilidade hanesan aula aprendijazem, rekursu humanu, ekipamentu laboratorium, biblioteka, no internet.

banner 336x280

“Husu ba Presidente Fundasaun Cafe Laher (FCL) Oscar Lima ho nia estretura atu desidi statutu ETCI husi statute privadu ba statute publiku ou entrega ba Governu RDTL, tamba laiha investimentu husi Fundasaun Cafe Laher,” dehan Francisco Soares iha konferensia imprensa, Segunda (12/9/2022), iha Kampus ETCI Gleno, Ermera.

Karik ejijensia ne´e FCL la responde, sira sei halo greve (mogok) hahu ohin to´o ETCI hetan estatuto maneja fali hosi Governu.

Alende ne´e, porta voz ne´e mos ejiji, atu FCL rezolve segurança sosial no salariu dosente no funsionariu sira ne´ebe fulan tolu ona sedauk simu sira nia deretu salarial.

Francisco esplika, “bazeia ba akta reuniaun iha loron 11 Jullu 2022 husi Dekanu Fakuldade Agrikultura, Ekonomia, Edukasaun, Diretores, Xefi Departamentu, Dosente no Funsionáriu hotu ou Ekipa kona ba akizasaun ne’ebé hato’o ona ba Magnifiku Reitor  (ETCI) Eng. Lucio Marçal Gomes, M. Eng Agron  iha 14 Jullu 2022 no bazeia ba akta reuniaun ekipa iha 15 Jullu 2022 hato’o mos ba prezidente Fundasaun Cafe Laher Oscar Lima  ho nia Estrutura iha 16 Jullu 2022 akta reuniaun ekipa ne’ebé hato to’o agora laiha resposta  seriu kona ba ezijensia sira husi Magnifiku Reitor, Pro Reitor I no  Fundasaun Kafe  Laher (FCL).”

Hodi rezolve situasaun ETCI, porta voz ne´ehusu husu ba  entidade hotu hanesan Autoridade Municipais, Postu, Suku no Aldeia, Konsellu Veteranus, reprejentante povo iha Parlamentu Nasional, Lider Partidu Politiku, Intelektual, Sociedade Sivil, Konfesoes relijioju, Alumni, Senadu estudante no inan aman hodi fó apoiu ba asaun ne’ebé ekipa halao, atu asegura sustentabilidade instituisaun ETCI iha Futuru, tamba ETCI hanesan ikon ou patrimoniu Municipiu Ermera nian, wainhira FCL laiha desijaun ba statutu  ETCI husi Statutu Privadu ba Statutu Públiku, maka ekipa no entidade hotu sei organiza asaun pasifika hasoru FCL.

“Husu ba Governu, liu husi Ministerio Ensino Superior  Ciencia e Cultura imediatamente toma responsavel ba problema ne’ebé estudante ho dosente sira hasoru iha ETCI, husu mos Parlamentu Nasional “Komisaun G” atu tun mai ETCI hodi halo Fiskalizasaun direta ba problema ne’ebé estudante ho dosente sira hasoru iha ETCI,” dehan Francisco.

  • Share

Leave a Reply

Your email address will not be published. Required fields are marked *

error: Content is protected !!