La Kumpri Xamada, Governu Halo Evikasaun ba Okupante eis Bidau Senggol

DILI, www.news-viptv.com – Governo liu hosi Sekretaria Estadu assuntu Toponomia no Organizasaun Urbana hamutuk ho Autoridade Munisipiu Dili no ekipa task force MOSS halo evikasaun ga sobu fatin negosiu iha eis Bidau Senggol ne’ebe okupa rai estadu.

Sekretariu Estadu assuntu Toponomia no Organizasaun Urbana, Germano Dias ba jornalista sira hateten antes sobu, governu haruka ona karta xamada ba okupante sira dala rua, maibe laiha resposta, tamba ne’e maka governu tuun dereta hodi halo evikasaun.

Iha evikasaun ne’e, konsege mosu protesta hosi okupante sira, maibe governu kontinua nia dezisaun hodi hamo’os area refere ne’ebe governu sei uza hodi halo jardim publiku.

Area ne’ebe maka hetan evikasaun hahu hosi parte Ponte BJ. Habibie to’o iha Ponti Kuluhun.