Konsellu Imprensa Timor-Leste Realiza Dili Dialogue Forum 2024

DILI, www.news-viptv.com – Konsellu Imprensa Timor-Leste, Sexta (10/5/2024), iha salaun multiuzo Bebora realiza Dili Dialog Forum ho tema Papel Media Hasoru Krizi Ambiental.

Dili Dialogu Forum ne’e loke hosi Prezidenti Parlamentu Nasional, Maria Fernanda Lay.

Iha nia deskursu, Prezidenti Parlamentu Nasional ne’e ho tema ambiente nian, persiza duni promove formação ba jornalista sira kona-ba temas ambientais no incentiva reciclagem nu’udar parte integrante ba solução, ba resíduo sira-ne’ebé reciclável.

Formasaun ne’e persiza tamba IX Governo assume compromisso metin ba proteção ambiental no ba desenvolvimento sustentável iha ita-nia Nação no atu buka hala’o Objetivos de Desenvolvimento Sustentável (ODS).

Entertantu Prezidenti Konsellu Imprensa, Otelio Otte hateten,  tema ne’be foti iha forum ne’e kontinua uza tema Loron Mundial Liberdade Imprensa tinan 2024, kona ba “Imprensa ba Planeta”.

Orador internaasional sira mai hosi Membru Konsellu Imprensa Thailandia, Anuncha Charoenpo, Hesthi Murti (UNESCO Jakarta), Indonesia Totok Suryanto hosi DPI no  Aloysius Budi Kurniawan (Kompas Media).

Ba orador nasional sira maka Sekretariu Estadu Komunikasaun Sosial, Expedito Dias Ximenes, Embaixador Boa Vontade Meiu Ambiente no Kultural, Ego Lemos, Zevonia Viera (AJTL), Jorge Serrano (GMN), no Antonio Lelo Taci (Autoridade Nasional Lisensiamentu Ambiental, I.P).