Komemorasaun Loron Internasional Feto, Investe iha Feto, Asselera iha Progressu

DILI, www.news-viptv.com – Investe iha Feto, asselera iha progresso sai tema jeral ba selebrasaun loron internasional feto iha Timor-Leste ne’ebe selebra iha areadores Ministeriu Negosiu Estranjeiru no Kooperasaun, Dili, iha Sexta (8/3/2024).

Selebrasaun ne’e hetan partisipasaun hosi Prezidenti Republika Jose Ramos Horta no entidade orgaun soberanu sira no korpu diplomatiku lao ho mensajem jeral katak governu Timor-Leste iha komitmentu makas hodi involve mos feto Timor-Leste iha prosesu dezemvolvimentu nasaun iha areas hot-hotu.

Nu’udar sekretaria estadu igualidade jeneru interinu, Expedito Dias Ximenes hateten investimentu ba feto importante hodi hamosu jerasaun ne’ebe diak ba futuru, inklui oinsa feto mos bele sai inspirasaun liu hosi atividade sira ne’ebe halo.

Entertantu Koordenador residensia Edifisu ONU iha Timor-Leste, Funmi Balogum deklara katak ONU liu hosi nia ajensia sira iha Timor-Leste komitmentu nafatin hodi apoia feto Timor-Leste liu hosi programa oi-oin inklui iha kapasitasaun feto hodi feto mos bele iha poder ba foti dezisaun ba desenvolvimentu Timor-Leste.