Kestiona Auditoria 2015, PM Xanana Aprezenta Relatoriu Auditoria ba PR Ramos-Horta

DILI, www.news-viptv.com – Primeiru Ministru Kay Rala Xanana Gusmao iha inkontru semanal ho Prezidenti Republika Jose Ramos Horta kinta liu ba, lori relatoriu ba auditoria governu nian ba tinan 2015 ne’ebe halo husi tribunal kontas ne’ebe akuza governu iha ezekusaun orsamentu kontra lei barak.

Iha relatoriu auditoria ne’e, Xefi Governu esplika mosu irregularidade barak ne’ebe nia rekonese tamba juiz Timoroan sira la komprende ho lingua portugues hodi produz relatoriu auditoria ida kahur ho leis ne’ebe laos parte teritoriu Timor-Leste nian.

Nune’e mos PM Xanana esplika, kona ba kazu lighthouse, ne’ebe loke hikas prosesu foun hodi hasoru Governu Timor-Leste, xefi governu ne’e hateten katak nia kontinua konsidera kompana lighthouse bosok governu ho projetu ne’ebe uluk halao.