Kazu Nauk telemóvel, Suspeitu Target Feto Klosan

DILI,  www.news-viptv.com – Suspeitu kazu nauk telemóvel ho asaun hadau ho uza motor, iha nia operasaun target ba vitima feto klosan sira.

“Sira nia modus atu nauk ka hadau telemóvel hare feto klosan sira mesak halai motor iha estrada, entaun sira rabat sira hare telemóvel rai iha motor nia bolsu sira lapara. Sira halai rabat ba foti telemóvel sira halai makas atu nune’e vitima halai duni tuir sira la hetan,” informa Komandante PNTL Eskuadra Dom Aleixo, Inspetor Polisia Alexandrino da Costa ba jornalista sira, Kuarta (27/7/2022), iha Eskuadra PNTL Dom Aleixo, Aimutin, Dili.

Ba kazu ne´e, Inspetor Polisia Alexandrino esplika hamutuk iha suspeitu nain 5 maka sira kaer ona. Suspeitu sira nia oras operasaun hahu hosi tuku 7 kalan no uza motor ne´ebe laiha xapa matrikula, sempre uza jaket no laiha karta kondusaun (SIM).

“Suspeitu nain 5 ne’ebé mak hadau telemóvel ho marka Samsung A12, 3 iha Fatuhada no motor 1 suspeitu nain 2 ho inicia’ ADJ, LRP, no mós FGM mak hadau telfone ho Marka Samsung A12, 3 suspeitu sira hadau telfone uza motor 2,” nia dehan.

Telemóvel ne´ebe suspeitu sira nauk ne´e sei sai barang bukti no sei entrega ba Ministeriu Publiku hodi halo prosesu ba suspeitu sira hodi responsabiliza sira nia hahalok.

Lee hotu: Polisia Kaer Ona Suspeito 3 Hadau Telemovel iha Area Comoro – NEWS VIP TV (news-viptv.com)