![banner 1000x250](https://news-viptv.com/wp-content/uploads/2024/03/BANER-KURSU-VIP.jpg" "banner 1000x250")
![banner 728x90](https://news-viptv.com/wp-content/uploads/2022/11/Efata-John-14-6.jpg" "banner 728x90")
DILI, www.news-viptv.com – Polisia Nasionál Timor-Leste (PNTL), liuhosi Servisu Informasaun Polisia (SIP) hosi Nasional halo kapturasaun ba suspeitu mane nain-3 ho naran inisial AJG alias A tinan 20, hela iha Matadouro, LRF alias L hela iha Fomento 1, no-mos FCM (Estudante ho kategoria minoridade), hela iha Becora, ne’ebe envolve krime publiku ba kazu naok no hadau komunidade nia telefone iha Kapital Dili.
“Hafoin halo vizilansia durante oras 8 nia laran hosi dader to’o 12h35, SIP Nasional deteta uluk suspeitu AJG alias AB ho LRF no tenta halai, maibe membru SIP duni tuir no konsege kaptura uluk LRF iha area Matadouro,” hakerek komunikadu ne´ebe publika iha pajina offisial PNTL iha Serviço Relaçõens Publicas, Kuarta (27/7/2022) minutu 5 liu ba.
![banner 1000x250](https://news-viptv.com/wp-content/uploads/2024/03/IKLAN-KURSU-VIP-24.jpg" "banner 1000x250")
Iha horas 13h00, equipa hamutuk ho suspeitu L buka tuir hodi kaptura tan suspeitu A iha area Matadouro no foti mos evidensia motor ida ho marka Honda Beat, koor metan azul xapa matrikula laiha ne’ebe sira uza hodi hadau telefone.
Iha prosesu identifikasaun suspeitu A deklara katak iha semana kotuk nia hamutuk ho nia kolega ida ho naran F hela fatin iha Becora, hadau telefone ho marka Samsung Galaxi A02 kor metan wainhira telefone nain konduz hela motor iha area Fatuhada-Comoro, besik Warung Sate kambing nia oin.
Suspeitu A mos deklara telefone ne’e nia fa’a ona ba negosiante ida naran Marcelino de Jesus Guterres iha Matadouro ho folin US$ 70, nune’e equipa SIP hamutuk ho suspeitu ba foti fali telefone refere inklui nia maluk L iha area Becora.
Relasiona ho akontesemento ne’e suspeitu sira deklara laos foin maka halo asaun naok ne’e, maibe bebeik ona hahu husi tinan 2019 hamutuk ho nia kolega seluk ne’ebe tama ona iha tarjetu SIP nasional nian hodi buka tuir suspeitu seluk tan ba kazu naok motor.
Hafoin halo identifikasaun Equipa SIP lori ona suspeitu nain-3 inklui evidensia telefone rua ho motorizada-1 ba iha Seksaun Investigasaun Kriminal, Esquadra PNTL Dom-Aleixo Comoro hodi kontinua Prosesu investigasaun.
