banner 728x250

Juventude Tenki Banati Luta Joventude Sira iha 12 Novembru 1991

  • Share

DILI, www.news-viptv.com – Sakrifisiu joventude sira ne’ebe hatudu iha asaun 12 Novembru 1991 hodi koalia sai povu Timor-Leste nia susar no terus durante tempu okupasaun militar Indonesia no ikus sai trajedia masakre Santa Cruz, nuudar izemplu no joventude sira tenki banati tuir.  

Masakre Santa Cruz ne’ebe halakon vida joventude sira barak iha asaun refere lori Fundasaun Aquito Tanque de Guerra realiza seminariu nasional ida relasiona ho loron komemorasaun masakre 12 Novembru ho orador principal maka Prezidenti Comite 12 Novembru, Gregorio “Mourris” Saldanha.

banner 336x280

Objetivu seminariu ne’e realiza hodi relembra hikas joventude sira nia involvimentu no luta ba prosesu libertasaun nasional ba ukun rasik an, liliu joventude sira ne’ebe hatudu ona iha 12 Novembru 1991. 

“Juventude sira presiza banati tuir juventude sira ne’ebe uluk dedika no sakrifika sira nia an hodi luta ba rai doben ida ne’e,” President Fundasaun Aquito Tanque de Guerra, Lourenço Jose Cabral alias Aquito Tanque de Guerra ba jornalista sira, Segunda (8/11/2021), iha Aimutin, Dili.

Nia esklarese, “Juventude uluk unidos tebes, maske iha situsaun ida difisil, konsege liberta rai ida ne’e hosi susar no terus.”

Prezidente Comite 12 Novembro, Gregorio Saldanha hateten, liu hosi atividade (seminariu, red) ne’e  comite servisu atu transmiti aspirasaun, espiritu nasionalizmu no patriotizmu ba joventude foun sira atu banati tuir.

“Ema hirak ne’ebe uluk mate iha 12 de Novembru ne’e sai ona ita nia as’wain tantu estudante no laos estudante,” dehan Mourris.

Mourris ne’ebe nu’udar responsavel principal ba assaun 12 Novembru 1991 informa parte comite dadauk ne’e halo ona verifikasaun dadus ba vitima sira nune’e bele hetan atensaun hosi Governu.

Writer: SOARES, AngelinaEditor: MEILANA, Evangelisto Santos
  • Share

Leave a Reply

Your email address will not be published. Required fields are marked *