Jullu, MSSI Halo Pagamentu ba Bolsa de Mae Kondisional

DILI, www.news-viptv.com – Ministeriu Solidariedade Social no Inkluzaun iha Jullu 2024 sei halo pagamentu ba benefisiariu bolsa da mae kondisional hamutuk 59,813.

Bolsa de Mae kondisional nudar programa governu ne’ebe kontinua implementa komesa 2008 bazeia ba Dekretu Lei numeru 18/2012, 4 Abril. Dekretu Lei ne’e hetan alterasaun iha Janieiru 2024 hodi halo mudansa ba montante orsamentu ba benefisiariu sira liu husi Dekretu Lei numeru 1/2024, 3 Janieiru, iha artigu 10 no artigu 11 ne’ebe deskreve mudansa ba montante orsamentu no akresenta liu tan kondisonalidade eskola ba benefisiariu sira.

Iha mudansa ne’e montante orsamentu mak hanesan ensinu primaria ho osan US$ 8, ensinu pre-sekundaria US$ 9, ensinu sekundariu US$ 10, no labarik ho defisiensia sei hetan tan adisional US$ 5.

Total orsamentu ba programa bolsa de mae kondisional ba tinan 2024 hamutuk miliaun dolares amerikanu hitu rihun nen nolu resin nen atus lima sia nolu resin nen ba benefisiariu hamutuk rihun nen nolu resin sia atus lima hotu nolu resin ida.

Ba pagamentu faz edahuluk MSSI sei halo pagamentu dahuluk ba benefisiariu hamutuk rihun lima nolu resin sia atus walu sanulu resin tolu, ne’ebe iha pagamentu dahuluk ne’e la inklui benefisiariu husi Munisipiu Dili no Viqueque ne’ebe sei halo pagamentu depois fulan Jullu.