JAMI Selebra Tinan 22 Misaun iha Timor-Leste

DILI, www.news-viptv.com – Organizasoens relijioza JAMI ou Junta Administrativa de Missoens hosi Brazil komemora nia loron aniversariu ba tinan 22 ba nia misaun iha Timor-Leste.

Komemorasaun ne´e selebra iha Eskola Sentro Shalom Bebonuk Dili, Sabadu loron tolu fulan novembru.

Ba VIP TV, Diretor JAMI Timor-Leste, Roberto Jony esplika iha nia misaun, JAMI-Timor Leste mos harii eskola Sentro Shalom nudar provas fiziku misaun nian iha area edukasaun hodi eduka labarik Timoroan sira iha area edukasaun.

Jaimito da Silva Ribeiro no Juvita da Costa nudar manorin iha eskola Sentru Shalom sente haksolok tamba liu hosi JAMI Timor-Leste sira bele aprende barak oinsa sai manorin nebe diak no hamtauk ba Maromak.

JAMI harii hodi haklaken evanjellu Kristu nian liu hosi servisu misionariu no Igreja Batista ba nasaun hotu. JAMI nudar ajenti misionariu transkultural Batista hosi Brasileiru.