INDMO Realiza Kompetisau Aptidaun Nasional no Internasional

DILI, www.news-viptv.com – Hodi hare rezultadu sentru formasaun sira ne’ebe durante ne’e fo formasaun ba juventude sira, Institutu Nasional Dezenvolvimentu Mão de Obra (INDMO.IP) realiza kompetisaun aptidaun ba dala walu durante loron tolu hahu 13 to’o 15 Novembru iha Salaun Oka Surik Mas, Dili.

Alende kompetisaun nasional, INDMO iha loron hanesan realiza kompetisaun aptidaun internasional hodi motiva no prepara Timoroan sira bele hakat ba kompetisaun internasional azia nian ne’ebe sei realiza iha Taiwan tinan oin.

Reprezenta Vise Primeiru-Ministru assuntu ekonomia no Ministru Turizmu e ambiente, Jorge Martins hateten nono governu konstitusional iha era teknolojia modern no digitalizasaun sei kanaliza jovem timoroan sira hodi bele hatudu sira nia aptidaun hodi bele kompete no servisu iha merkadu internasional.

Kompetitor iha kompetisaun ne’e hateten kompetisaun ne’e diak tamba bele fo oportunidade ba juventude sira ne’ebe durante ne’e tuir formasaun iha sentru treinamentu oi-oin.

Iha loron dahuluk kompetisaun, asina mos akordu intendementu ho parseiru sira husi Indonezia, Australia no Malaysia.

Kompetisaun ne’ebe halo iha area konstrusaun no hospitalidade.