Hametin Amizade, Estudante ETCI-UNITAL Halo Pratika Hamutuk  

Gleno,www.news-viptv.com- Atu hametin amizade entre estudante East Timor Coffee Institute (ETCI) ho Universidade Oriental Timor Lorosae (UNITAL) liliu hosi hosi Fakuldade Agricultura Departamentu Agro Floresta, ensinu superior rua foin lais ne´e   realiza atividade pratika hamutuk.

Estudante hosi ensino superior rua ne´e ho nivel edukasaun semestru 2 too semestru 6  hala’o pratika hanesan inventerizasaun ba Ai horis florestal, konservasaun utilizasaun rai, Organismu rai maran no seminariu Ai-kulat mutin durante loron rua hahu husi 21 to´o 22 Outubru.

Orientador Ramalhino Lelo Da Cruz hateten, objetivo husi pratika ida ne’e hanesan pratika dahuluk hodi kompleta konesimentu ba estudante husi eskola UNITAL ho ETCI hodi sensibiliza kona ba situasaun mudansa klimatika ne’ebé ohin loron Timor-Leste hasoru.

“Atu investe makas ba iha setor Agrikultura liu-liu iha setor Florestal tamba ita hare katak floresta maka hanesan atividade prinsipal konsentra iha Departamentu sira hodi desenvolve iha ambiente nian,” dehan Ramalhino.

Representante Estudante ETCI Departamentu Floresta Jaime Alves Do Santos, agradese mos ba estudante huisi eskola UNITAL bele kria ona amizade hodi pratika hamutuk núne’e bele eleva ami nia konesimentu diak liu tan ba futuru hodi bele kontribui ba desenvolvimentu nasaun nian.

Nia haktuir pratika husi esnsinu superior  rua ne’e sei la hotu iha ne’e deit, maibe nia kontinuasaun sei halo mos iha Munisipiu Atauru hodi hametin relasaun diak liu tan ba futuru.