Governu Apresia Munisipiu 3 Atinji 80% ba Vasinasaun COVID-19

DILI, www.news-viptv.com – Dili, Viqeuqeu no Covalima, munisipiu 3 ne’ebe atinji ona porsentazem 80% ba programa vasinasaun kompletu doze 2 kontra COVID-19.

Ho rezultadu ne’e, Ministra Saúde dra. Odete Maria Freitas Belo entrega sertifikadu apresiasaun ba municipiu tolu iha komemorasaun loron mundial saúde no mos tinan 1 lansamentu programa vasinasaun kontra COVID-19, Kinta (7/4/2022).

Tuir infograku ne’ebé Ministériu Saúde fo sai kada loron iha Munisípiu Dili doze daruak atinji ona to’o 84,0%, Viqueque 83,7% nomós Covalima 78,1%.

Durante ne’e Timor-Leste uza vasina AstraZeneca ho Sinovac ba idade adultu sira no Pfizer ba labarik idade 12-17.

Marka prezensa iha serimónia ne’e maka Reprezentante World Health Organization Timor-Leste Dr. Arvind Mathur, Reprezentante UNICEF Timor-Leste Dr. Bilal Aureng Zen Durrani, Reprezentante WFP Timor-Leste Dr. Dageng Liu, no Kordenadór Birgada Médico Cubano.