banner 728x250

Golu Hattrick Marcia Chaves Lori Buibere Manan Maranatha 4-0

  • Share
Avansadu FC. Buibere, Marcia Chaves nebe halo golu hattrick wainhira halakon Maranatha 4-0, Sabadu (20/11/2021), iha Kampu Futebol FFTL, Dili. Photo: VIP TV/Fidelio dos Santos
banner 468x60

DILI, www.news-viptv.com – Avansadu FC. Buibere, Marcia Chaves halo hattrick no lori nia klubu manan Marantha 4-0, Sabadu (20/11/2021), iha Kampu Futebol FFTL, Dili.

Golu hattrcik Marcia Chaves nian ne’e nia halo iha minutu 39’, 40’ no 69’.

banner 336x280

Golu ida seluk, FC. Buibere nian ne’e hatama hosi ain Lucelia Fernandes alias Kaka iha minutu 36’.

Iha jogu ne’e, FC. Buibere labele hatun nia jogador estrela Nilda Romana ne’ebe hetan suspensaun tamba akumulasaun kartaun kinur. Alende ne’e nia kolega Sonia Gomes labele joga tamba hetan kartaun kinur rua hotu.

“Hau la joga tamba akumulasaun karatun kinur,” dehan Nilda Romana ba VIP TV.

Ho vitoria ne’e, FC. Buibere aumenta tan nia pontu 3 hosi 8 ba 11 no iha pontu hanesan ho FC. S’Amuser. Fenny Babo ho kolega sira sei iha tan jogu ikus hasoru FC. Academica no AD. SLB.

Iha epoka 2020, FC. Buibere maka sai kampiaun ba Liga dahuluk.

Entertantu, jog aba aban (Domingu) FC. Academica sei hasoru FC. S’Amuser.

Durante joga dahat, FC. Academica sedauk hetan pontu tamba lakon dala hat no sofre ona golu 31 hosi nia adversariu sira. Lakon bo’ot Academica nia hetan hosi FC. Buibere ho skoru 1-16.

banner 336x280
Writer: DOS SANTOS, FidelioEditor: MEILANA, Evangelisto Santos
banner 120x600
  • Share

Leave a Reply

Your email address will not be published. Required fields are marked *