FRETILIN Husu Governu Involve EhD iha Diskusaun no Dezisaun Politika

DILI, www.news-viptv.com  – Relasiona ho loron nasional Ema ho Defisiensia (EhD), Deputada Bankada FRETILIN, Nurima Alkatiri husu ba governu atu involve mos EhD iha diskusaun no dezisaun politika ba sira nia moris.  

Tuir Deputada Nurima, involvimentu EhD persiza iha prosesu dezemvolvimentu nasional, tamba sira mos parte ida husi sidadaun Timor-Leste ne’ebe iha deretu hanesan hodi goza dezenvolvimentu.

“Maluk sira ne’ebe mak moris ho defisensia ita tenke inklui sira iha diskusaun no tomada dezisaun politika hodi fo vantajem no politika saida mak garante iha inkluzasun ba ema ho defisensia, proteje no promove espasu no promove mos edukasaun, saude no iha servisu fatin, hodi dezemvolve iha politika tuir kontestu nasional, ita presisa estudu ne’ebe klean hodi hatene lolos ema moris ho defisensia nain hira mak moris ho defisensia saida deit, balu ita haree ba defisensia psikolojia no mos balu defisensia fizika nesidade la hanesan, ita haree ba maluk feto ne’ebe mak defisensia ne’e hamosu difikuldade barak, saida mak nesesario entaun politika dezemvolvimentu liu husi estudu presisa peskiza klean hodi hatene lolos kontesktu aktual hodi desemvolve ba ida ita labele siik deit,” hateten Nurima Alkatiri.

Deputada ne’e mos husu ba hot-hotu atu wainhira koalia EhD tenki koalia ho liafuan assitabel, tamba sira mos iha kapasidade hanesan ho ema normal.