Fo Votos Vitoria ba CNRT, Povu Hakarak Xanana ba Primeiro-Ministro

DILI, www.news-viptv.com – Partidu Congressu Nasional Rekontrusaun de Timor (CNRT) kontinua hetan apoia hosi povu sira ne´ebe durante ne´e laos parte hosi militante no simpatizante CNRT nian, deklara ona hakarak fo sira nia votos ba partidu ne´ebe lidera hosi Kay Rala Xanana Gusmao ne´e.

Hanesan komunidade sira iha Suku Motael Postu Administrativu Vera Cruz, Munisipiu Dili promesa ona sei fo votos vitoria ba Partidu CNRT, atu nune´e Kay Rala Xanana Gusmao bele sai tan primeiru ministru iha governasaun foun.

Ho apoia povu no afiliasaun hosi militante partidu politiku sira ba Partidu CNRT, eis prezidenti republika ne´e deklara katak povu la hili sala nia partidu hodi eskoila CNRT uniku partidu politiku ne´ebe iha vizaun ba estadu no programa ba governasaun nian.

Tamba ne´e, atu hakarak eis Komandante das FALINTIL ne´e ukun fali iha governasaun, Xanana husu ba povu atu fo votos ba Partidu CNRT hodi hetan maioria absuluta, nune´e nia bele konsentra iha governasaun, laos ho Governu Koligasaun.

Nudar Joventude, Vitoriano Estrela prontu hamutuk ho Joventude iha Suku Motael fo vitoria ba partidu CNRT hodi manan iha eleisaun parlamentar.