FFTL Prepara US$ 10.000 ba Kampiaun LTFF

DILI, news-viptv.com – Federasaun Futebol de Timor-Leste (FFTL) sei fo premiu osan US$ 10.000 ba kampiaun Liga Timorense Futebol de Femenina (LTFF) iha Primeira Divisaun epoka 2021.  

Ba Segundu lugar, FFTL sei atribui osan ho montante US$ 7.500 no US$ 5.000 ba terseiru lugar no US$ 2.500 ba kuartu lugar.

Alende ne’e, premiu osan mos sei oferese ba best player, top score ho best goalkeeper ho kada premiu hetan US$ 1.000.

FFTL mos durante jogu LTFF sei fo subsidiu ba klubu sira ne’ebekompete tantu iha primeira divisaun no segundu divisaun.

Iha primeira divisaun klubu 5 mak kompete hanesan FC. Buibere, AD. SLB, FC. Maranatha, FC. S’Amuser no FC. Academica.

Entertantu, iha Segundu Divisaun maka FC. Maudoko, FC. VDL, FC. São Jose, FC. Nain-Feto, FC. Unital ho AF. Baucau.

Jogu ba abertura LTFF epoka 2021 sei loke ho jogu segunda divisuan enter FC. Maudoko vs FC. VDL ne’ebe sei halao iha Kinta lokoraik ne’e iha Estadiu Munisipal Dili.