FACC Kontinua Apoia Povu Aileu

DILI, www.news-viptv.com – The Friends of Aileu Community Committee (FACC) ou Komite ba Kolega Komunidade Aileu ne’ebe nia delegasaun mai hosi Sidade Merri-Bek no Hume, Austrália kontinua komitmentu hodi apoia Povu Aileu.

Xefi delegasaun FACC, Joseph Haweli hafoin hasoru malu ho Primeiru Ministru (PM) Kay Rala Xanana Gusmão esplika, sira nia hasoru malu ho PM Xanana hodi atualiza prosesu servisu ne’ebé sira fó ba povu Munisípiu Aileu.

“Prevelijiu no onra ida iha dadersan ne’e ba ami bele hasoru Primeiru Ministru Xanana hodi koalia kona ba parte ami nian ba relasaun amizade ne’ebe ami halo ho komunidade Aileu ne’ebe lao ona durante tinan 20 entre Melbourne ho Aileu, no ami mai hodi sublina ba importansia hosi relasaun diak ne’ebe halo ho nasaun ne’e, ho komunidade ida ne’e. Ami mos agradese ba nia (PM) amizade, laran diak, soliedaridade no apoia servisu ne’ebe halo ona entre Timor-Leste ho Australia, ami hein ho enkontru ne’e sei hametin liutan koperasaun bao in hodi apiua povu Aileu,” esplika Joseph ba jornalista sira iha Palacio do Governo, Segunda (16/10/2023).

Desde tinan 20, FACC servisu ho Konsellu Sidade Merri-Bek and Hume hodi apoia komunidade Aileu ne’ebé kria kolaborasaun servisu di’ak tebes ho parseiru sira no membru komunidade sira.

“Durante ne’e kooperasaun ne’ebe halo maka iha area edukasaun fo bolsu estudu, kapasitasaun ba joventude, jestaun be’e mos, permakultura no hasa’e skill komunidade,” nia dehan.