banner 728x250

F-FDTL Selebra Tinan 20 Estabelesementu Komponente Naval

  • Share

Dili; www.news-viptv.com – Instituisaun Defeza Timor-Leste, FALINTIL – Forsa Armada Timor-Leste (F-FDTL) selebra loron aniversariu estabelesementu komponente naval ba tinan 20.

Selebrasaun loron aniversariu ne’e halao iha Portu Naval Hera, Munisipiu Dili, Kuarta (11/01/2022) no hetan prezensa hosi Komandante Jeral F-FDTL, Tanente Jeneral Lere Anan Timur.

banner 336x280

Iha nia deskursu, Tanente Jeneral Lere Anan Timur konta istoria wainhira estabelesementu komponente naval la hetan konkordansia hosi Organizasaun Nasoens Unidas (ONU) wainhira administrativa Timor-Leste hafoin restaura independensia Timor-Leste iha 2002. Maibe ho esforsu Kay Rala Xanana Gusmao ho Taur Matan Ruak momentu ne’eba ikus konsege konvense no harii komponente naval.

Maski sei hasoru dezafiu barbarak hanesan iha rekursu umanu, infraestrutura no finansas, Tanente Jeneral LAT husu nafatin atu elementu tomak iha komponente naval kontinua servi estadu no sai lutu nasaun iha area maritima nian.

Ba jornalista sira, Komandante Komponente Naval Kapitaun Fragata Joao da Silva hateten Servisu Komponente Naval konsege kontrola no kaptura ro illegal sira ne’ebe halo atividade illegal iha area kosta sul no kada fulan rejista ro illegal sira kuaze 50.

Komponente Naval hahu estabele ho membru nain 45 iha tinan 20 liu ba no dadauk ne’e iha ona numeru 500.

  • Share

Leave a Reply

Your email address will not be published. Required fields are marked *