DILI, www.news-vipv.com – Sekretariu Estadu Komunikasaun Sosial (SEKomS), Expedito Loro Dias Ximenes hateten TATOLI I.P tenki sai produsaun sinema ba dokumentasaun estadu nian.
Expedito hato’o lia hirak ne’e iha deskursu ba posse prezidenti konsellu diretivu TATOLI I.P, Sexta (10/1/2025), iha Salaun Prezidensia Konsellu Ministru (PCM) Palasiu Governu, Dili.
“Tatoli I.P tenki sai produsaun sinema nian hanesan dokumentasaun ba estadu, hanesan mos institute opiniaun publiku…, sentru informasaun no peskiza, ida ne’e Tatoli ninina funsaun principal, dehan Expedito.
Ho karakter Tatoli I.P ne’ebe multikanal, multimedia, multiplataforma, no multi tarefa, membru governu ne’e husu ba Noemio Mateus Soares Falcao nu’udar prezidenti foun no dirijenti sira atu hare servisu tuir papel Tatoli I.P nian.
“Tatoli I.P sai fontes informasaun ofisial estado Timor-Leste nian tenke iha duni kapasidade no kbiit husi kedas enviliaun to ohin loron no ba oin tenke hatuir instituisaun estadu nee ho nia karakter rasik informasaun iha eskala nacional, rejional. Tatoli.IP tenke sai akur ba informasaun hotu ba estado nian rapidu no rigor,” hateten Noemio.
Nia konfesa katak, maski nia rasik laiha esperensia ne’ebe luan atu diriji instituisaun estadu ou ajensia publiku nian, hamutuk ho nia vise nain rua no element iha TATOLI I.P no SEKomS sei lori Tatoli I.P sai duni ajensia notisias estadu tuir nia papel.
Tomada de posse ne’e bazeia ba Rezolusaun Governu No.65/2024 de 18 Dezembru hodi ezonera Prezidente Konsellu Diretivu Ajénsia Tatoli I.P Sesante Manuel Pinto, hodi indika fali Noemio Mateus Soares Falcão ba mandatu 2025 – 2029.