Evikasaun Rai Estadu, Prezidenti PN husu Povu Kumpri Lei

DILI, www.news-viptv.com – Relasiona ho evikasaun iha Kapital Dili ba rai estadu ne’ebe halao hosi ekipa konjunta Sekretaria Estadu assuntu Toponomia no Organizasaun Urbana, Autoridade Munisipiu Dili no Autoridade seguransa, Prezidenti Parlamentu Nasional, Fernanda Lay husu ba komunidade sira atu koopera ho governu.

Nu’udar repreznetante povu iha uma fukun, Fernanda Lay mos husu komprensaun komunidade ba area ne’ebe lei bandu hodi labele hela tenki kumpri, tamba governu hakarak evita duni nia povu ses hosi risku dezastre nian, hanesan sira ne’ebe hela iha mota ninin no tasi ibun.

Ho evikasaun ne’e, nia louva ba servisu sekretariu estadu assuntu toponomia no organizasaun urbana ne’ebe konsege implementa lei no hakarak tau imajem Dili nu’udar Kapital nasaun nian.

Durante loron tolu Governu halo evikasaun duni on aba okupante rai estadu hahu hosi area Dolog Cristo Rei, eis Bidau Senggol, no Aitarak Laran.

Tuir orariu, governu sei kontinua halo evikasaun ba rai estadu iha area Kapital Dili balun ne’ebe tinan barak okupa ona hosi komunidade.