ETCI Normaliza Aula Aprendizajem

GLENO, www.news-viptv.com- East Timor Cooffe Institute (ETCI) hahu normaliza aula hanesan bai–bain hafoin ejijensia ne´ebe durante ne´e hato´o hosi Dekanu, Dosenti, Estudante sira hetan resposta direita husi Fundasaun Café Laher Oscar Lima.

Reitor Interinu Mateus Maia de Jesus, hateten Ejijensia hirak ne´e resolve ona hanesan kadeira meza komputador hein instala deit no mos Internet instala ona husi operador telekomunikasaun.

“Estudante ativu sira ho dosente ohin loron mai partisipa aula maximu hodi rekopera fila fali matéria hodi atinji tarjetu ne´ebe maka kalendariu akademiku deside ona,” hateten Mateus de Jesus ba VIPTV, Segunda (10/10/2022) iha Kampus ETCI, Gleno.

Senadu Jeral ETCI Manuel de Deus, esklarese, fasilidade ne´ebe durante ne´e ejije hanesan komputador projetor ohin loron instala iha aula ona hahu fasilita ona iha matéria apresentasaun exijensia ne´ebe husi ekipa reforma dekanu no estudante sira hetan resposta husi fundasaun Café Laher sei iha resposta faseadamente neebe hetan aseitasaun hodi reativa hikas fali atividade aprebizajen hanesan baibain

“Dosente sira halo atendimentu ba estudante sira iha aula diak hanesan bai-bain kumpri orariu tuir oras neebe iha no estudante sira mos hahu hakbesik ba dosente hodi husu matéria,” Manuel de deus.

Nia dehan ejijensia hirak nee dialogu aberta entre entidade hotu hanesan líder komunitariu, lideransa ekipa reforma, dekanu, estrutura reitoria iha solusaun hodi reativa hikas atividade akademiku prosesu aprendizajen hanesan baibain.