Eleisaun Lider Komunitaria, MAE fo Formasaun ba Pessoal STAE Apoiu Aldeia iha Suku Manleuana

DILI, www.news-viptv.com – Atu fo susesu ba realizasaun eleisaun lider komunitaria iha Suku Manleuana, Postu Administrativu Dom Aleixo, Munisipiu Dili, Diresaun Jeral Desenvolvimentu Lokal Ministeriu Administrasaun Estatal realiza formasaun ba Pessoal STAE Apoiu Aldeia no Membru Meza Assembleia Aldeia.

Formasaun ne’e halao durante loron rua hahu Kinta (18/4/2024) ohin no sei remata iha Sexta (19/4/2024) iha Sede Suku Manleuana.

Diretor Jeral Dezemvolvimentu Lokal ne’ebe responsabiliza ba iha Suku Manleuana, Virgilio da Costa isplika, formasaun ne’e realiza hodi fo informasaun ba lalaok eleisaun ba lider komunitaria ne’ebe sei halao iha 27 Abril.

Iha fatin hanesan, Denis da Silva nu’udar partisipante hosi Aldeia Mundu Perdidu espera liu hosi formasaun ne’e, realizasaun eleisaun iha sira nia suku no aldeia bele lao ho diak.

Hamutuk iha Aldeia 10 maka tama ba Suku Manleuana.

Iha 27 Abril, alende Suku Manleuana iha mos suku 9 seluk ne’ebe realiza eleisaun lider komunitaria, inklui suku foun 4 seluk iha Munisipiu Dili hanesan Suku Mahodi, Suku bebonuk, Mantelolao no Suku Ailok. Iha Munisipiu Aileu maka iha Suku Lequitura no Bokolelo, Manatuto iha Suku Sikone-Dilole no Suku Laicore. Suku ida ikus maka hosi Munisipiu Viqueque mak suku Builo.