CVTL Hetan Makina USG 2 ba Inan Isin Rua

DILI, www.news-viptv.com – Cruz Vermelha Timor-Leste (CVTL) simu makina rua (2) Ultrasonograpi (USG) ne’ebe apoia hosi Dr. Vincent Everard Jerome Braganza, espesialista kardiovaskular.

Diretora Executiva CVTL, dra. Madalena Hanjam esplika makina ne’ebe CVTL simu ne’e hodi fasilita inan isin rua sira no tratamentu no sei uza mos ba formasaun ba meidku sira iha Hoispital Nacional Guido Valadares (CVTL).

Dadauk ne’e, esplika dra. Madalena, CVTL iha ekipa mediku voluntaria nain 8 no enfermeiru balun ne’ebe servisu voluntaria hodi halo atendementu ba iha moras sira Maske CVTL seidauk iha klinika rasik

“CVTL seidauk iha klinika rasik maibe, medico voluntariu sira servisu halo rotativa ba iha moras primariu hodi lori ba klinika sira no mos lori ba to iha ospital Enkuantu ami mos sei utiliza makina USG nee ho didiak hodi halo movimentu ba iha Atividade CVTL nian,” dehan dra. Madalena iha edifisiu sentral CVTL Dili Tersa (10/10/2023).

Entretantu Xefe Kaza Sivil Presidensia Republika, Jesuina Maria Ferreira Gomes esplika, Dr. Braganza mai Timor Leste iha nia akomodasaun durante fulan ida hetan apoia hosi Prezidente Republika, Jose Ramos Horta.

Foin lais ne’e Prezidénsia Repúblika Timor-Leste anunsia ona ninia apoiu ba misaun Doutór Vincent Everard Jerome Braganza, espesialista kardiovaskulár Inglés, atu hadi’a kuidadu saúde iha nasaun ne’e. Doutór Braganza servisu hamutuk ho Governu Timor-Leste dezde tinan-2014 hodi fó apoiu iha área kardiovaskulár, inklui apoiu operasionál, treinamentu ba doutór Timor-Leste no fornese ekipamentu ultrasonográfiku (USG).

Doutór Braganza nia misaun foun ba Timor-Leste foka liu ba programa tratamentu ba pasiente no formasaun ba doutór timoroan na’in-80 iha utilizasaun Sistema Ultra iha operasaun jerál anestezia by-pass vaskulár. Nia mós fó mákina USG rua ba Klínika Maloa Bairo-Pite iha Díli no Krús Vermelha Timor-Leste (CVTL).

Prezidente Repúblika, Jose Ramos-Horta, fó prémiu ba Braganza iha loron 29 Setembru 2023 hodi rekoñese ninia kontribuisaun ba kuidadu saúde iha Timor-Leste.

Prezidénsia Repúblika no Ministeriu Saúde hein katak sei kontinua hala’o ninia misaun iha futuru hodi hadi’a saúde ba timoroan sira tuir objetivu sira husi Planu Estratéjiku Dezenvolvimentu Nasionál 2011-2030.

Ida ne’e dezenvolvimentu pozitivu ida ba Timor-Leste, tanba hatudu katak governu iha kompromisu atu hadi’a kuidadu saúde ba sidadaun sira. Doutór Braganza nia espesialidade no esperiénsia sei sai valór importante hodi tulun fó treinu ba doutór timoroan sira no fó tratamentu di’ak liu ba pasiente sira.