COVID-19 Impede PN ba Fiskaliza OJE iha Terrenu

DILI, news-viptv.com – Pandemia COVID-19 ne’ebe ataka mundu tomak lori mos impaktu ba membru deputadu Parlamentu Nasional (PN) sira hodi fiskaliza no hare’e implementasaun programa no Orsamentu Jeral Estadu (OJE) nian.

Prezidenti Parlamentu Interna, Maria Angelina hato’o kestaun ne’e wainhira loke plenaria sesaun abertura ba IV Sesaun Lejislativa ne’ebe halo iha Kuarta (15/9/2021).

Maria esplika iha parte fiskalizasaun nian, hasoru dezafiu lubuk ida tanba ho pandemia Covid-19 ladun fo biban diak ba  Deputadus sira atu halao knar ida ne’e iha terrenu no halo sirkulasaun ba Munisípiu to’o Postu sira.

Parlamentu Nasional retoma fali kontinuidade V lejisatura ho IV sesaun lejislativa husi loron ida ne’e to’o 15 Jullu tinan oin.

Kada sesaun lejislativa hatudu nia nivel produtividade, iha nia dezafius no nia dinamika sira oinsa hasoru no fo solusaun ba dezafiu sira. Para alem de komprimenta nia deveres konstitutionais no regimentais, Parlamento Nasional iha mos responsabilidade atu atualiza ba públiku, ba sidadaun sira ka ba povu tomak, nia empenamentu no nia dezempenu durante sesaun lejislativa ida ne’e.

Reporter: Sandra Martins I Cameraman: Paulino Pinto