Comite 12 Novembru Apoia Estadu ba Politika Rekonsiliasaun Timoroan ho Timoroan iha Kupaun

DILI, www.news-viptv.com – Organizasaun sobriviente masakre Santa Cruz ne’ebe hanaran Comite-Doze apoia politika estadu ba rekonsiliasaun entre Timoroan ho Timoroan ne’ebe diferente dezisaun iha tempu konsulta popular.

Iha selebrasaun loron nasional juventude no komemorasaun loron masakre santa cruz, Prezidenti interinu Comite-Doze, Filipe Rodriguez  lori organizasaun comite-doze husu ba juventude Timoroan sira atu simu malu ho Timoroan sira iha Kupang-Indonesia maski diferente politika iha tempu pasadu.

Prezidenti Republika Jose Ramos-Horta iha nia diskursu hateten Timor-Leste tenki halo duni rekonsiliasaun ho Indonezia liliu Timoroan sira ho Timoroan iha Indonesia, ne’ebe modelu rekonsiliasaun ne’e sai ona ezemplu global.

Ba jornalista sira, eis primeiru-ministru Mari Alkatiri hateten nia sei la konkorda politika rekonsiliasaun husi lider politika sira wainhira uza hodi buka votos.

Nu’udar nasaun, Timor-Leste mos la persiza halo rekonsiliasaun Indonesia entre povu ho povu.