Be’e Sa’e Tama Uma 15 Iha Atudara-Cailaco

DILI, www.news-viptv.com – Autoridade Protesaun Sivil (APC) relata uma komunidade 15 iha Suku Atudara, Postu Administrativu Cailaco, Munisipiu Bobonaro.

“Suku Atudara Nulonupo iha 14 Novembru tinan ida ne’e akontese be’e sa’e sobu komunidade nia uma 15,” dehan Nelson Orleans, Xefi Seksaun Relasaun Externa APC ba jornalista sira iha konferensia imprensa, Segunda (2/12/2024), iha Edifisiu APC, Kaikoli, Dili.

Alende uma komunidade 15 ne’ebe estragus tamba be’e sa’e, iha Postu Administrativu Cailaco, Suku Dau Udo, Aldeia Kauloko Leten iha 12 Novembru, anin bo’o ne’ebe akontese iha aldeia refere, sobu komunidade nian uma ida.

Durante periodu 18 to’o 25 Novembru, APC rejista mos uma 4 seluk ne’ebe hetan estragus tamba anin bo’ot no ne’ebe akontese iha Atauro no Manatuto, ho uma 25 ahi-han ne’ebe akontese iha Merkado Taibessi Dili baraka 23, Matatuto 2 no Ainaro 1.

“Husi parte ne’e, hetan kedas apoiu husi ekipa APC no halo kedas dadus komunitario ba vitima sira,” informa Nelson.

Entertantu, husi periodu 25 Novembru to’o 2 Dezembru 2024, APC rejista kazu dezastre hamutuk 6 no mate ema 1, husi numeru ne’e anin sobu uma 4, be’e sae uma 2.

“Iha Postu Atabae, Suku Aidaba Leten, Aldeia Herame, iha l29 Novembro akontese vitima ho naran Vasco Angelo lakon vida kazu husi sa’e ai maka monu no mate kedan iha fatin,” dehan Nelson.