Atrai Turista Estranjeiru, Governu Realiza Feira Turismu Maritimo

DILI, www.news-viptv.com  – Governo liu husi servisu konjunta entre Ministério Agrikultura, Pecuária, Pescas no Florestas (MAPPF), Ministério Turismo no Ambiente ho Ministério Komersiu no Industria realiza Feira Turismu Maritimo, Sexta (14/6/2024) iha Timor Plaza, Díli.

Feira Turismo Marítimo realiza liga ho loron Oseanu Mundial nian ne’ebe liu husi feira ne’e Ministro Agrikultura, Pecuária, Pescas e Florestas, Marcos da Cruz hateten bele Kuidadu, proteze, konserva, no jere tasi ne’ebe nakonu ho biodiversidade.

Liu husi feira ne’e, Diretor jeral Ministerio Turismo Antonio da Silva hateten atu promove ekonomia azul liu husi atividade turismo nian ne’ebe relasaun ho oseanu nian sei fo benefísiu bot ba Timor-Leste.

Feira ne’ebe halo ho loron ida ne’e aprezenta produtu lokal sira ne’ebe hatudu valor ne’ebe as ba ekonomia azul ne’ebe hariku ho biodiversidade.

Selebrasaun loron mundial oseanu iha Timor-Leste hahu iha 8 Junu no sei remata iha 18 Junu ho esperansa boot liu husi komemorasaun ne’e bele proteze liu tan tasi hodi sai mos Turismo ne’ebe atrativu ba turista rai liur sira.