APC Realiza Table Top Exercise Kona ba Asistensia Umanitaria no Responde Disastre

DILI, www.news-viptv-com –  Atu sukat kapasidade oinsa Timor-Leste responde situasaun emerjensia wainhira akontese desastre ruma, Autoridade Protesaun Sivil hamutuk ho Forsa Estadu Unidos Amerikanu iha rejiaun pasifiku no Programa Koperasaun Defesa Australianu nian realiza Table Top Exercise Timor-Leste kona ba asistensia umanitaria no responde desastre, durante loron 8 hahu 31 Agostu to´o 7 Setembru iha Hotel Timor, Dili.

Vise Ministru Antonio Armindo esplika, liu hosi Table Top Exercise ne´e, bele hatene no kordena liu tan servisu ne´ebe diak liu tan hodi responde situasaun desastre ne´ebe akontese, inklui oinsa parseiru sira bele hamutuk ho governu responde situasaun hirak neé.

Prezidenti Autoridade Protesaun Sivil, Superintedente Polisia Ismael da Costa Babo informa iha Table Top Exercise ne´e, senariu ne´ebe sira uza maka oinsa responde situasaun emerjensia iha desastre inundasaun hanesan akontese iha 4 Abril 2021.

Engkaragadu Negosiu Estadu Unidos Amerika iha Timor-Leste, Tom Daley apresia programa Autoridade Protesaun Sivil ne´ebe bele realiza ona exersiziu ida ne´e, tambá liu hosi esforsu ne´e bele ajuda liu tan Timor-Leste oinsa bele responde desastre iha situasaun emerjensia.