AKD Forma Hodi Kontra HOAX

DILI, www.news-viptv.com – Hare’e ba perigu ba informasaun falsa ou HOAX ne’ebe ameasa ba demokrasia no fo impaktu negativa ba stabilidade nasional, media online lima iha Timor-Leste estabelese Aliansi Kontra Disinformasaun (AKD).

Media online lima ne’e makaThe Oekusi Post.com, Mambae Multimedia, Hatutan.com, SMNEWS no VIPTV.

Estabelesementu AKD ne’e deklara liu hosi konferensia imprensa hosi inisiador jornalista nain nen ne’ebe forma aliansi ne’e liu hosi inkontru ne’ebe aprova ho unanimidade iha loron 19 Outubru 2021.

AKD harii ho objetivu atu luta kombate dizinformasaun no mós misinformasaun iha Timor-Leste.

“Inisiativa harii AKD ne’e hodi responde ba preokupasaun no dezafiu foun iha sosiedade Timor-Leste kona-bá notísia falsu sira ne’ebé maka fó ameasa ba demokrasia no bele fó influensia negativa ba estabilidade nasionál,” hateten Francisco Belo Simoes ca Costa, Porta Voz AKD.

Membru inisiadór na’in-neen (6) ne’e maka hanesan Raimundo Oki hosi The Oé-Cusse Post (TOP), Mariano da Costa hosi SMNEWS, Francisco Belo Simões da Costa no Cipriano Colo hosi Hatutan.com, Domingos de Deus hosi Mambae Multimedia no Evangelisto Gantry dos Santos Meilana hosi VIPTV.

Violante Guterres, Bendito Soares VIP TV.