Samuel Marcal: Setor Privadu iha Munisipiu Barak Sei Fraku

DILI, www.news-viptv.com – Ministru Obras Publiku, Samuel Marçal hateten, setor privadu sira iha munisipiu barak maka sei fraku.

Membru governu deklara lia hirak ne’e ba jornalista sira hafoin inkontru ho parte Camara Comercio e Industria Timor-Leste (CCI-TL) ho objetivu atu diskuti kona-ba identifikasaun setor privadu nasional no reafirma komprimisiu governu nian hoid apoia seto rprivadu hodi impulsiona kresimentu ekonomiku ni kriasaun empregu

Governu, esplika Ministru Samuel Marçal, hakarak teb-tebes atu involve setor privadu nasional sira, inklui iha munisipiu hodi involve mos iha projetu governu nian, maibe setor privadu mos labele dependensia ba projetu deit.

“Ita iha target ida pelumenus tinan 10 ou tinan 20 mai ita bele produs Ita nia setor privadu ne’ebe forte laos iha Dili deit maibe iha mos Munisipiu. Ho nune’e hanesan uluk Ita nia primeiru ministru sempre koalia iha Munisipiu ba sira Munisipiu mak kaer, maibe to’o agora Ita seidauk bele tamba setor privadu iha munisipiu barak mak sei fraku,” dehan Ministru Samuel, Tersa (9/9/2025), iha edifisiu MOP, Dili.

Governante ne’e konsidera katak setor privadu importante tebes ba proses dezemvolvimentu Timor-Leste, maibe husu mos atu labele hare deit ba projetu, maibe tenki hare mos investimentu sira seluk.

“Iha parte industrial ninian ho nune’e bele dezenvolve mos Ita Nia rikusoin sira Agora iha, Ita iha potensia bo’ot iha aifuan oioin, Ita iha Fatin beleza ne’ebe kapas inklui turistiku sira,” nia dehan hodi hatutan setor privadu tenki iha hanoin hamutuk ida deit ba vizaun nasaun nian hodi nune’e bele kria mos empregu iha rai laran.

Nu’udar Prezidenti Camara Comersiu Industria Timor-Leste (CCI-TL), Jorge Manuel de Araújo Serrano hateten, iha prosesu dezemvolvimentu, setor privadu nasional sira pronto atu kolabora ho governu. Tamba ne’e nia husu atu governu fo oportunidade ba Timoroan sira ne’ebe iha kondisoens hodi involve iha projetu governu sira nian.

“Ema balu iha kondisoens, maibe laiha oportunidade, difikulta ita nia vida atu dezenvole, tan ne’e mak enkontru sira ohin importante, atu komunika ho governu ita bele formaliza sasan sira ne’e atu bele minimiza maluk sira ne’e,” dehan Jorge Serrano.

Kona ba projetu ne’ebe fan tutan husi maluk setor privadu balun, CCI-TL rekonese ne’e akontese duni no persiza duni tau ona atensaun, maibe labele minimiza maluk timor-oan sira seluk, ema barak mos mosu mai ho kompania, maibe laiha ekipamentus, maibe nia vontade, dedikasaun, responsabilidade ne’ebe la aluga makina, bele dezenvolve.