Hetan Medalla 18, Timor-Leste Okupa Fatin Datoluk iha Klasifikasaun Medalla Jeral

DILI, www.news-viptv.com – Timor-Leste iha XII Jogos Desportivos CPLP 2025 okupa fatin datoluk iha klasifikasaun medalla jeral ho total medalla hamutuk 18.

Atleta Voleibol Praia ne’ebe konsege hetan medalla osan mutin 2 no osan metan 1. Photo: Dok FVTL

Total medalla 18 ne’e Timor-Leste hetan husi medalla osan mean hamutuk 3, osan mutin 6, no osan metan 10.

Medalla osan mean 3 ne’e maka rezultadu husi modalidade Taekwondo 2 no Karate 1. Entertantu medalla osan mutin 6 hetan husi Taekwondo 1, Karate 3, no Voleibol Prai 2. Ba osna metan nian 9 hetan husi Atletismu 4, Tenis do Kampu 2, Xadrez 2, Voleibol Praia 1 no Taekwondo 1.

Husi modalidade ne’e, Futebol, Basquetbol 3 on 3 ho Para-Atletismu maka la hetan medalla.

Numeru ida okupa husi Portugal ho total medalla 38 (Gold: 23, Silver: 9 no Bronze: 6), tuir kedan Angola 20 medalla (Gold: 5, Silver: 5, Bronze: 9).

Iha oras balun nia laran eventos desportivos ne’e sei taka hafoin loke desde 19 Jullu ho jogu final futebol entre Angola versus Cabo Verde.

Tuir agenda Primeiru Ministru Xanana Gusmão maka ofisialmente sei taka XII Jogos Desportivos CPLP 2025.

Hamutuk iha modalidade 8 maka loke ba eventu ne’e maka Futebol, Atletismu, Karate, Taekwondo, Basquetbol 3 on 3, Voleibol Praia, Xadres no Tenis Campo.

Alende modalidade 8, iha mos modalidade para-atletismu.

Iha eventos ne’e, Brasil, Guine Bissau no Guine Equatorial maka la hol aparte iha edisaun tinan ne’e.

KLASIFIKASAUN MEDALLA JERAL TO’O 26 JULLU 2025

PAÍS OURO PRATA BRONZE TOTAL

1º PORTUGAL 23 9 6 38

2º ANGOLA 5 5 9 20

3º TIMOR-LESTE 3 6 10 18

4º CABO VERDE 2 9 11 22

5º SÃO TOMÉ E PRÍNCIPE 2 2 2 6

6º MOÇAMBIQUE 0 4 6 10

TOTAL 35 35 43 113