Portugal Kontinua Domina Modalidade Atletismu

DILI, www.news-viptv.com – Portugal iha XII Jogos Desportivos CPLP 2025 iha modalidade atletismu kontinua domina numeru kompetisaun hot-hotu hodi sai vensedor ba osan mean nian.

Hafoin hadau osan mean 5 iha loron dahuluk, ba loron daruak, Portugal hetan tan osan mean 2 liu husi numeru salto em comprimento ne’ebe hetan husi kategoria feto nian liu husi atleta Laura Agostinho no osan mean ida seluk hetan husi atleta Rodrigo Azevedo iha numeru halai 3.000 M.

Timor-Leste iha numeru 3.000 M konsege hadau medalla osan metan ida liu husi atleta Julio Amaral, ne’ebe finish ho durasaun tempu minutu 4:41.03. Ba medalla osan mutin hetan husi Alerson Silva husi Cabo Verde.

Osan mutin no osan metan ba numerus alto em comprimento hadau hotu husi atleta Angolana, Luzareth Antonio no Rode Mavinga.

To’o loron daruak, Portugal hetan osan total medalla 9 (osan mutin 7, osan mutin 2), Angola 5 (osan mean 1, osan mutin 2, osan metan 2), São Tome e Principe 2 (osan mean 1 no osan mutin 1), Cabo Verde 8 (osan mutin 4 no osan metan 4), Timor-Leste 3 (osan metan 3), no Mozambique sedauk hetan medalla.

Kompetisaun ba loron ikus, 23 Jullu 2025, sei iha final Salto em Comprimento (mane), 200 Metros (Feto), 1500 Metros (Feto), Lançamento do Peso 5Kg (Mane), 200 Metros T11, T12, T13 (Feto) no 200 Metros T11, T12, T13 M.

Salto em Comprimento

1. Laura Branco Jorge Da Silva Agostinho (Portugal) +1.1 5.47
2. Luzareth Da Conceição Marcos António (Angola) +1.0 4.81
3. Rode Mavinga Filomeno Lutete (Angola) +1.6 4.35

3000 M (Mane)

1. Rodrigo João Guedes Azevedo (Portugal) 9:24.19
2. Alerson Patrick Nascimento Silva (Cabo Verde) 9:27.40
3. Julio Martins Amaral (Timor-Leste) 9:41.03