Xefi Estadu Kondekora Ordem Timor Leste ba Philip Hewitt

DILI, www.news-viptv.com – Hodi rekonese ba servisu esepsional no dedikasaun durante tinan 5 iha Timor-Leste, Prezidenti Republika (PR) Jose Ramos-Horta kondekora Embaixadór Nova Zelándia nian, Philip Hewitt, ho Orden Timór-Leste, kategoria Grau Medalha nia ne’ebé nível aas liu.

Embaixadór Hewitt simu medalla Ordem Timor-Leste ne’e iha Kuarta (29/11/2023) iha Palasiu Prezidensial Aiatarak Laran Dili.

iha nia servisu misaun diplomata nian halo visita estraordináriu ba munisípiu hotu-hotu iha rai-laran tomak, halao kooperasaun no amizade entre nasaun rua ne’e. Durante nia tempu nu’udar Embaixadór iha Timor-Leste, Nova Zelandia nia programa Kooperasaun Internasionál ba Dezenvolvimentu (IDC) ho Timór-Leste konsege atinji besik NZ$ 21 millaun (besik US$ 13 millaun) kada tinan, hodi halo programa kooperasaun internasionál ba dezenvolvimentu ne’ebé boot liu iha liur husi Pasifíku.

Orden Timor-Leste nian mak dekorasaun orden onra nian ne’ebé aas liu, ne’ebé rezérva ba personalidade sira ne’ebé servisu esepsionál no ne’ebé merese hetan rekoñesimentu públiku. Prezidente fó distinsaun aas liu ba Embaixadór Hewitt, diplomata ezemplár ida-ne’ebé uza nia tempu, esforsu no enerjia hodi promove kooperasaun no amizade entre Timor-Leste no Nova Zelándia.