Xanana La Tolera Lider Se-Se det Maka Viola Konstituisaun

SUAI – www.news-viptv.com – Prezidenti Partidu CNRT, Kay Rala Xanana Gusmão husu ba povu atu labele simu no tolera lider sira ne’ebe viola Konstituisaun RDTL nudar lei inan iha nasaun doben Timor-Leste.

Tamba ne’e, nudar aman ba nasaun, Xanana mos sei la tolera ba se-se deit maka la respeitu Konstitusional atu nune’e nasaun labele monu tan ba krizi konstitusional.

Nudar kandidatu prezidneti republika, ne’ebe hetan bensaun hosi Xanana Gusmão, Jose Ramos Horta sei restaura hikas ordem konstitusional hanesan uluk nia asumi kargu prezidenti republika iha 2007-2012.

Nune’e mos atual Sekretariu Estadu Veteranu, Gil da Costa oan Soru ne’ebe sai mos orador ba kampana prezidensial kandidatu Ramos Horta, apela ba povu atu hili deit Ramos Horta atu labele terus tan tinan 5 oin mai.

Justinho Mendonca VIP TV.