Xanana Husu Nafatin Povu Vota Ramos Horta iha Segunda Volta

DILI, www.news-viptv.com – Hare’e ba rezultadu eleisaun prezidensial 19 Marsu ho deit votus 46.58%, Kandidatu Prezidenti Republika, Jose Ramos Horta pronto ona ba segunda ronde ne’ebe sei realiza iha 19 Abril.

Iha konferensia imprensa ne’ebe akompana mos hosi Prezidenti Partidu CNRT, Xanana Gusmão senti kontenti bele hetan votos konfiansa to’o 301.481 hosi povu Timor-Leste atu hili nia ba sai xefi estadu.

Ho rezultadu ne’e, Horta husu nafatin ba nia ekipa susesu atu kontinua servisu ba kampana tuir mai no husu nafatin atu hado’ok an hosi violensia no insulta malu.

Iha fatin hanesan Xanana Gusmao kontinu apela ba povu Timor-Leste atu pasiensia dala ida tan ba eleisaun segunda volta nune’e bele hatur hikas estadu de diretu demokratiku ne’ebe durante ne’e lao ses dook ona hosi konstituisaun RDTL.

Iha segunda volta, Horta no Xanana loke odamatan ba kandidatura seluk ne’ebe hakarak hamutuk ho Horta hodi hamutuk objetivu ida det ba interese nasional Timor-Leste nian nune’e bele hahu fali dezemvolvimentu ne’ebe durante ne’e paradu.

Reporter: Angelina Soares I Cameraman: Justinho Mendonca  VIP TV