Xanana: Horta iha Integridade, Moral Politika no Kapasidade ba PR

MANATUTO, www.news-viptv.com – Prezidenti Partidu CNRT, Kay Rala Xanana Gusmao deklara Ramos Horta nudar kandidatu Prezidenti Republika (PR) ne’ebe CNRT kandidata iha integridade, moral politika no kompetensia no esperensia hodi rezolve krizi konstitusional ne’ebe lao besik tinan 5.

Tamba ne’e nia husu ba eleitor Munisipiu Manatuto atu hili Ramos Horta ba prezidenti republika foun hodi hakotu krizi konstitusional ne’ebe haterus povu nia ekonomia no moris tamba dezisaun barak ne’ebe halo kontra lei no konstituisaun.

Entertantu Ramos Horta hato’o nia agradese ba konfiansa ne’ebe Partidu CNRT fo ba nian, nune’e mos partidu politiku balun, inklui movimentu barak ne’ebe hili nia hanesan kandidatu nasional no konsensual ba prezidenti republika.

Komisiu politika Ramos Horta iha Manatuto simu ho antuziasmu hos prezensa apoiantes sira rihun ba rihun ne’ebe hakarak duni antigu prezidenti republika ne’e asumi tan kargu Prezidenti Republika.

Iha komisiu ne’e, Prezidenti interinu Partido Timor Forte, Gregoriu Moris Saldanha hetan oportunidade koalia hodi hatoo sira nia apoiu ba kandidatura Ramos Horta.

Video Journalist: Justinho Mendonca