Votasaun iha Irlanda do Norte, Timoroan sira husu Estadu Loke Konsuladu Jeral

DUNGANNON, www.news-viptv.com – Timoroan sira ne’ebe durante ne’e hela iha Irlandia do Norte senti kontenti bele ezerse sira nia votos hodi hola dezisaun ba hili prezidenti republika foun Timor-Leste nian.

Maski la hanesan eleisaun volta dahuluk ne’ebe hetan antusiasmu barak hosi Timoroan sira tamba monu iha loron feriadu, ho eleisaun ohin loron difikulta ba sira atu fo sira nia votos tamba hasoru problema lisensa servisu no transporte.

Felix de Jesus nudar mos responsavel ba assosiasaun Timoroan iha Irlanda do Norte senti kontenti bele ezerse nia diretu votu maski hela iha diaspora.

Hare ba komunidade Timoroan ne’ebe hela iha Irlandia do Norte, Alberto espera prezidenti republika foun ne’ebe eleitu bele loke mos konsuladu ida iha Irlanda do Norte nune’e bele tau matan besik liu tan ba sidadaun Timoroan sira.

Iha irlanda do norte, STAE loke deit sentru votasaun iha Dungannon. Iha eleisaun volta dahuluk hosi total eleitore 1.264 ne’ebe rejistradu, hamutuk nain 737 maka fo nia deretu votos no hosi numeru ne’e kandidatu Francisco Guterres Lu-Olo hetan 262 no Jose Ramos Horta hetan 252.

Alende Irlanda do Norte, iha diaspora STAE mos rejistu eleitor hamutuk 2.229 iha Reinu Unidu, Portugal 856, Australia 1.487 no Koreia Sul 1277

Hosi Dungannon, Irlandia do Norte Agostu de Deus ba VIP TV