USAID Fo Tan US$ 92 Miliaun ba Governu Haforsa Ekonomia no Governasaun

DILI, www.news-viptv.com – Governu Estadu Unidos Amerika (EUA) liu hosi USAID sei oferese tan fundus US$ 92 Miliaun ba Timor-Leste hodi haforsa ekonomia no governasaun Timor-Leste.

Enkaregadu Negósiu Embaixada EUA Tom Daley, apoiu fundus ne’ebe Governu EUA fo ona no sei mai tan iha futuru nudar komitmentu Governu EUA nian ba nia koperasaun bilateral ho Timor-Leste.

Diretora USAID Zema Semunegus hateten, USAID kontenti bele servisu hamutuk ho governu Timor-Leste ho komunidade benefisaria sira hodi fundus USAID no fo duni mudansa ba sira nia moris, liliu iha haforsa feto sira iha ekonomia.

Hare ba pandemia COVID-19 ne’ebe kontinua sai preokupasaun nasaun hotu iha mundu, USAID mos sei nafatin apoia Governu Timor-Leste hodi komate COVID-19 liu hosi apoiu fahe vasina Pfizer doze ba 200,000.

“Hanesan hau mensiona, EUA foti dalan komprensivu hodi hakotu pandemia no haforsa globalmente seguransa saude nian. Desde pandemia hahu, EUA servisu hamutuk ho governu Timor-Leste ho sosiedade sivil ba parseria nian hodi apoia Vasina Pfizer doze 200,000 no milhaun $5.9 resin iha asistensia EUA nian atu ajuda Timor-Leste hodi kombate COVID-19,” dehan Zema.

Reporter: Giovania Meilana I Cameraman: Justinho Mendonca