UNICEF: Labarik Sira Tenki iha Oportunidade Eskola

DILI, www.news-viptv.com – Ajensia Nasoens Unidas ba assuntu labarik, UNICEF observa katak labarik sira iha Timor-Leste tenki iha oportunidade eskola.

Tuir reprezentante UNICEF iha Timor-Leste, Patrizia Di Giovanni hateten katak, alende iha oportunidade eskola, labarik sira mos tenki iha tempu deskansa no moris diak iha sira nia familia.

“UNICEF sempre hakarak labarik hotu-hotu tenke iha oportunidade ba eskola, atu hetan edukasaun, maibe ita hatene katak dalaruma tamba situasaun lokal ida-idak nian, tamba familia sira moris kiak ,nemak labarik sira tenke fan sasan iha dalan sira,” dehan Patrizia Di Giovanni ba jornalista sira hafoin hasoru malu ho Prezidenti Republika (PR) Jose Ramos-Horta, Tersa (19/11/2024), iha Palasiu Prezidensial, Dili.

Nia mos esplika katak nia hasoru malu ho xefi estadu hodi konvida PR Ramos-Horta hodi hola prezensa iha seremonia selebrasaun Loron Labarik nian ne’ebe sei realiza iha 20 Novembru 2024.