UNDP ho SEPS Realiza Workshop Nasional Mapamentu Risku Klimatika

DILI, www.news-viptv.com – UNDP servisu hamutuk ho Sekretaria Estadu Protesaun Sivil realiza workshop nasional daruak kona ba mapamentu Risku Klimatika no Relatoriu Sinteze iha Timor-Leste.

Objetivu husi projeitu nee hodi salvaguarda komunidade rural no sira nia riku soin husi desastre kauza husi mudansa klimatika iha Timor-Leste.

Liu hosi mapa ne´e Sekretariu Estadu Protesaun Sivil, Joaquim Gusmão Martins hateten, bele ajuda governu hodi identifika munisipiu ne´ebe maka risku ba desastre naturais no modelu hosi desastre naturais ne´e rasik saida.

Sekretariu Estadu Ambiente, Demetrio Amaral informa fundus projetu ne´e mai hosi fundus klimatika matak.

Projetu ida nee UNDP fo kontratu ba ANTEA group hanesan konsultan internasional ida ba enjineria no ambiental nebe maka parseiru hamutuk ho HIVOS no EBD hodi fasilita asesmentu risku no vunerabel  iha Timor Leste.

Objetivu prinsipiu hosi workshop nasional nee hodi fahe informasaun ba parseiru sira husi governo hodi hetan sujestaun no fidbek Kona ba resultado husi survey diskusaun draft mapa ba Risku no Relatorio sinteze finalidade husi aktividade Ida nee maka hanesan kriasaun mapamentu ba Risku desastre no sai sasukat Ida ba Risku desastre nebe maka akontese cauza husi mudanca klimatika iha Timor Leste.