Tinan 32 Masakre Santa Cruz, Assanami: Simboliza Totalidade Juventude ba Luta Ukun Rasik A’an

DILI, www.news-viptv.com – Governu iha selebrasaun loron 12 Novembru ga masakre Santa Cruz ba tinan 32 konsidera katak 12 Novembru simboliza hosi juventude Timoroan sira ba prosesu luta ukun rasik aan nian maski selu ho ra mate.

Iha selebrasaun loron importante ne’e, Vise Primeiru Ministru Sssuntu Sosial, Mariano Assanami Sabino apela ba sidadaun hotu, liliu joventude sira atu iha nafatin unidade, maski iha era independensia ne’e moris ona ho organizasoens no partidu oioin.

Governante ne’e mos husu ba juventude sira atu hakribi violensia no kontinua kontribui ba estabilidade no paz hodi hamutuk dezemvolve rai timor-leste ba futuru ne’ebe diak.

Prezidenti Komite 12 de Novembro, Gregorio Saldanha iha nia deskursu husu nafatin ba timoroan hotu hodi valorize sakrifisiu heroi sira, inklui juventude sira ne’ebe lakon vida iha loron 12 Novembru.

Sobriviviente 12 Novembro, Francisco Maukura Fernandes mos apela ba juventude sira atu banati tuir juventude resistensia sira nia luta, liliu esperito nasional no hadomi rai Timor-Leste.

Selebrasaun loron masakre santa cruz hahu hosi misa iha Igreja Motael no lao ain too iha santa cruz no taka ho kari ai-funan hodi hanoin hikas no valoriza martires sira ne’ebe sakrifika ona sira nia an ba luta ukun rasik an.